-
Par SHAKA (Gwakafwika) le 27 Novembre 2010 à 19:52
Si zò vlé kouté tout sé match-la, zò ka lyanné asi A.I.S. (105.8 FM). Zò ké adoumanman!
1 commentaire -
Par SHAKA (Gwakafwika) le 26 Novembre 2010 à 13:21
(Pati a gòch pou zò ay a dwat!). Stéphane Auvray (Gwadloup),
George Dublin (Antig é Bawbouda), Anthony Modeste(Grènad),
Clyde Leon (Trinidad é Tobago), Heine Colome Valencia (Kiba),
senk kapitenn ki ké éséyé menné ekip a-yo asi chimen a laviktwa!
Sé jòdi-la an péyi Matnik, hui nasyon a Karayib-la kay férayé adan on ripaj yo kriyé "Digicel Caribbean Championships". On ripaj foutbòl ki ké komansé èvè Trinidad é Tobago - Kiba (Fòd'Fwans a 18 PM) pou bout on dimanch 5 désanm jou a final-la (toujou Fòd'Fwans) èvè on tit a chanpyon a Karayib-la. On ripaj ki ké sèvi osi pou voyé kat ékip a Karayib-la adan pwochen Gold Cup a CONCACAF-la ki ké jwé lanné 2011-la an péyi Etazini (5 jis 25 jen).
Ekip nasyonal an-nou Gwadloup ké natirèlman a lendikatif prézan pou'y chèché kalifikasyon a-y pou Gold Cup-la é pou'y éséyé osi pwan tit a chanpyon a Karayib-la. On tit nou poko jen trapé dèpi...1948! Dèpi nanni-nannan!
Pou zò pé ba sé ti-boug Gwada-la on fòs, mété douvan-douvan koulè wouj, jòn é vè-la a kaz a zòt, adan loto a-zòt, kèlanswa koté zò yé! Davwa sé ti-boug Gwada-la ka jwé adan sé twa koulè-lasa ki ka rèprézanté nasyon Gwadloup!
Match a Lagwadloup
Sanmdi 27 novanm : Gwadloup - Giyana (Rivyè-Pilòt a 17 PM)
Lendi 29 novanm : Gwadloup - Jamayik (Rivyè-Pilòt a 20:30 PM)
Mèkrèdi 1 désanm : Gwadloup - Antig é Bawbouda (Rivyè-Pilòt a 18 PM)
Pou plis kamo asi ripaj-lasa lyanné zòt asi Boul an Karayib-la (http://caribbeanfoot.overblog.com)
1 commentaire -
Par SHAKA (Gwakafwika) le 16 Novembre 2010 à 13:59
Sa ofisyèl! Huityèm sanblé jénéral a laCANOC ki bay an péyi Zil Kayiman 12 é 13 novanm pasé fè rantré Lagwadloup adan òganizasyon-la. Aprézan, Lagwadloup vini on komité olenpik kon tout dòt nasyon a Karayib-la. Kifè péyi an-nou ké pé ay fasadé èvè dòt péyi adan Jé Panamériken pa èkzanp! Ankò on fwa, woulo ba misyé Alain Sorèze prézidan a CROS Gwadloup!
Péyi ki manb a laCANOC : Angiy, Antig é Bawbouda, Antiy Olandèz, Awouba, Ayiti, Bahamas, Bawbad, Béliz, Bèmid, Kiba, Domnik, Grènad, Giyana, Gwadloup, Jamayik, Monséra, Pòtoriko, Sendomeng, Senkis é Névis, Sentlisi, Senvensan é Grènadin, Sirinam, Tik é Kayikòs, Trinidad é Tobago, Zil Vyèj Anglé, Zil Vyèj Mériken.
1 commentaire -
Par SHAKA (Gwakafwika) le 15 Novembre 2010 à 18:52
Koup Digicel a Karayib-la 2010 an péyi Matnik
(26 novanm jis 5 désanm)
GWOUP A
Matnik
Trinidad é Tobago
Kiba
Grènad
GWOUP B
Jamayik
Gwadloup
Antig é Bawbouda
Giyana
1 commentaire -
Par SHAKA (Gwakafwika) le 28 Octobre 2010 à 00:13
Gwoup E : Senkis é Névis - Pòtoriko 1-0
Grènad - Gwadloup 0-3
1 commentaire
Suivre le flux RSS des articles de cette rubrique
Suivre le flux RSS des commentaires de cette rubrique