• http://radiowestindies.com/newwp/wp-content/uploads/2012/04/CariftaTeamD20100406IA_595.jpg

    Jamayiken mèt é sényè an atlétizm adan Karayib-la. Yo trapé

    77 méday (!!!) adan dènyé CARIFTA GAMES-la Bèmid.

     

    An tan kè ansyen èspòtif, an pé di zòt jan an ni onlo lanmou é  réspé ba on péyi kon Jamayik. Imajiné-zòt péyi-lasa trapé...77 méday adan dènyé CARIFTA-la ki fèt pannan vakans a pak-la Bèmid. Nou gwadloupéyen nou kontan pas nou rivé trapé 6 méday mé yo yo trapé 77! E a pa menm rèkò-la padavwa an 2004, Jamayik té trapé 84 méday.

    Sé vré nou pé pa konparé Gwadloup é Jamayik pas Gwadloup poko on péyi endépandan, i toujou maré èvè léta fwansé. An ka chonjé an 1986, jan léfwè Théophile té ka kraché difé adan CARIFTA-la èvè mayo a nasyon Gwadloup anlè zépòl a-yo. On fwa yo mété-yo ka kouri ba Lafwans, yo pa jen bay bon rézilta apré. Wi andéwò dè Marie-José Pérec, pa ni onlo gwadloupéyen ki pèsé pli ho! Poukisa? Sé padavwa léfwè Théophile pa té ni  antrénè Gwadloup ankò, yo té tini antrénè fwansé. Sé padavwa osi yo pa té an menm kondisyon ki adan péyi a-yo Gwadloup é sitou, yo té ka kouri pou on péyi ki pa ta-yo! Ès sé ka a jamayiken? Awa pas on boug kon Usain Bolt avan i té chanpyon olenpik é di mond, kouri adan CARIFTA-la osi. Dayè tout sé chanpyon-la oblijé pasé pa la. Gwo diférans-la èvè nou Gwadloup, jamayiken, bahaméyen oben trinidadyen on fwa yo monté adan katégori sényò-la, yo ka kontinyé kouri ba péyi a-yo! Yo pa ka kouri ba Langlètè! E wi, fwansé ka frenné nou! Annou imajiné Gwadloup té pé woulé bay adan chanpyona di mond oben Jé Olenpik, nou té ké pétèt douvan Jamayik!

    Menm biten pou foutbòl-la. Si Gwadloup té ka trapé menm kondisyon ki Jamayik oben Trinidad pou fè préparasyon a-y, i té ké mèt é sényè andidan Karayib-la é pétèt menm andidan CONCACAF-la. Mé ankò on fwa, adan larèl politik-la, gwadloupéyen vlé pa séparé-yo plis ki sa dè fwansé! Wi, fwansé ka frenné nou!


    votre commentaire
  • http://www.trackandfieldja.com/contentimg/image/Carifta2012(1).gif    http://t1.gstatic.com/images?q=tbn:ANd9GcSHutzb7KhZG9DRKK8pB5FMUJq1zYrwFbBfGUKuGoxWHfYc9KesNw

    Ekip nasyonal Gwadloup bout ripaj atlétizm-lasa an péyi Bèmid 5èm nasyon a Karayib-la èvè 6 méday (2 an lò, 2 an awjan é 2 an bwonz). Jamayik, Bahamas, Trinidad é Tobago, Bawbad pwan sé kat prèmyé plas-la.

    Méday a Lagwadloup :

    : Wilhem Belocian (Stade Lamentinois -20 lanné) 110 m bayè. Tan a-y 13"63 (I bat rèkò a CARIFTA-la)

    Yanis David* (ASC Siroco -17 lanné) Triplèso 12,73 mèt.

    Awjan : Marine Vidal (Gauloise -17 lanné) Triplèso 12,21 mèt

    Magalie Pénélope* (Etoile) (1500mèt -20 lanné) 4'53"13

    Bwonz : Elza Plante (ASCBE -17 lanné) 100 mèt bayè 14"43

    Sarrena Carti (AS Saint-Martin -17 lanné) 400 mèt 57"75

     

    Yanis David méday dò asi triplèso-la

    Magalie Pénélope pwan dézyèm plas-la asi 1500 mèt-la dèyè on jamayikenn é douvan on bèmidyenn.


    votre commentaire
  • Lantou siklis entènasyonal Irigwèy 2012

    http://img.server86.nl/sport/wielrennen/editie/kaart/280/385_2012.jpg

    Klasman jénéral-la apré 6èm étap-la.

    1. Keneth Hanson (Etazini)

    18. Ludovic Turpin (Fwans) a 37s

    44. Edwin Sanchez Anzola (Kolonbi) a 57s

    47. Boris Carène (Gwadloup) a 1mn28s

    52. Adam Pierzca (Polòn) a 4mn33s

    76. Fabrice Cornélie (Gwadloup) a  18mn29s

    23 kourè ja lagé lantou-lasa. Nou, nou tini toujou tout kourè an-nou. On bèl konpòtasyon a ékip-la. Annou kontinyé woulé!


    1 commentaire
  • http://www.wtf.org/bbs/data/bbs_10001/cate1/WTF_2012_0403_01.jpg

    Non a "Guadeloupe" a lendikatif prézan adan sanblé a fédérasyon mondyal a taèkwondo an vil Sharm El Sheikh an péyi Ejipt ola kay fèt 9èm chanpyona di mond a katégori jinyò-la. (4 jis 8 avril).

    Gwadloup sé on nasyon a lèmond. Kon an toujou ka di zòt adan lang a fwansé-la "les faits sont têtus".

    Ka rété pou nou rantré laFIFA, CIO, tout kalté òganizasyon mondyal kon ONU é UNUESCO. Brèf, i ja lè pou nou pwan plas an-nou adan konsè a  nasyon a latè!


    1 commentaire
  • Ekip-la :

    http://t0.gstatic.com/images?q=tbn:ANd9GcSfdMtAGffH2nVI5V6TnwR72HDwXu-L9UIkAeI2dpmxEt6Gr5Lu

    41. Ludovic Turpin (Fwans)

    42. Fabrice Cornélie (Gwadloup)

    43. Adam Pierzca (Polòn)

    44. Boris Carène (Gwadloup)

    45. Edwin Sanchez Anzola (Kolonbi)


    votre commentaire


    Suivre le flux RSS des articles de cette rubrique
    Suivre le flux RSS des commentaires de cette rubrique