-
E an menm balan-la, yo bizwen mèt gwadloupéyen déwò a kaz a-yo!
Nèg ka rété adan bèl gwan kaz, sa
ka fè déotwa chyé an péyi-la!
Yè an té ka di zòt jan fwansé bizwen pwan péyi Kanaky ba yo ; é ben sé menm biten yo ka èché fè an péyi an-nou Gwadloup. Lòtjou san pon moun avèti, yo enki désidé mété déwò on jenn madanm a kaz a-y an komin Bémaho. Swadizan madanm-la pa té ko fin péyé asirans a-y. Mi konbin a déotwa moun vini an péyi-la! Davwa madanm-la té ka rété adan on bèl gwan kaz osèryé, on kaz ki adan on bèl koté komin Bémaho. Alò zò ka tou konpwann nèg ka rété bèl koté adan gwan bèl kaz, sé on biten ka fè sé blan-la chyé! E sé pou sa an ka di zòt moun Gwadloup, panga lè zò ka sèvi èvè lajan a-zòt, pa fè nenpòt ki biten èvè-y davwa lèlmi ka atann enki pyé a-zòt kongné pou i pé sav maché asi zòt!
Lagwadloup sé tan-nou! Lagwadloup a pa ta yo! Yo pé ké fè sa yo vlé adan péyi an-nou!
Tags : peyi, kaz, bel, zot, adan
-
Commentaires
Sé sa an tann si Tanbou yè aprémidi
Pli bèl-la yo pa fouti montré papyé expilsyon-la !
Sa térib toubôlman !
Sé pousa fè nou rété véyatif anpéché lènmi anvahi nou
Sa kan menm èstraowdinè mésyé !!!
Annou pôté solidarité ba madanm-lasa pou yo é tout bannélo a yo pa anvi woukomansé é volé byen a dôt moun sitou a pa prèmyé fwa sa ka fèt opéyi
Wi nou la é nou pé ké lésé yo fè sa yo vlé adan péyi annou tonnè !!!