• Dèmen nou douvan tribinal a-yo!

    Par SHAKA (Gwakafwika) dans Sosyété le 20 Mai 2011 à 00:54

    http://t2.gstatic.com/images?q=tbn:ANd9GcTt6c3Et8ac1YhqeLz0q40KybKQoov_TR51sS_LH9gSjfbyvo9e

    Léta kolonyal fwansé désidé mèt anwout asi travayè Gwadloup davwa nèf lanné apré, tribinal a-y désidé kriyé militan a LiGTG kon Gabriyèl Bourgignon, Michèl Madasamy é Frèd Louise. Nèf lanné apré on zafè ki té rivé laSARA ola yo ka akizé sé militan-la yo té éséyé fouté difé laSARA menm! Ka fwansé po'o touvé pou éséyé fè nèg tonbé andalo? Alò sé kanmarad-la té'é fou pou yo té fouté difé laSARA? Nonsèlman yo té'é mò, onlo moun alantou a-yo té'é mò é tout Jarry té'é soté! Mé nou ja konnèt! Sé on jan pou léta kolonyal fwansé vanjé-y apré mouvman a LKP!

    Nou patriyòt, fò nou kontinyé konba-la! Alò pou sa ki pé, sanblé-zòt douvan tribinal a-yo Lapwent dèmen vandrèdi a dézèd'laprémidi!

    Lagwadloup sé tan-nou! Lagwadloup a pa ta yo! Yo pé ké fè sa yo vlé adan péyi an-nou!


    Tags Tags : , , , ,

  • Commentaires

    1
    Kanmarad ARY
    Vendredi 20 Mai 2011 à 14:43

     Kolonyalis fwansé konprann avè manblo fizi jounalis soutitèl tribinal é bwabwa ayo yo ké dékourajé travayè é pèp gwadloup adan lalit kont pwofitasyon aben nou ka di yo : AWA AWA é AWA ! 
    NOU gwadloupéyen nou sé on pèp ki fyè érityé a IGNACE DELGRES MASSOTO SOLITUD NESTOR é tout ansèt annou ki toujou lité kont loprésyon kolonial é èsplwatasyon kapitalis !

    Répondre
    2
    Kanmarad ARY
    Vendredi 20 Mai 2011 à 15:00

    LAGWADLOUP Sé TAN NOU
                                                                                                                
    Léta kolonyal fwansé toujou pwofité
    Dépi nanni nannan si do a maléré
    Yo konploté èvè béké mèt bwabwa an poch a yo
    Pou yo kouyoné nèg kouyonné zendyen



    Toujou manti pou myé akaparé
    Toujou désidé pou myé gouvèné


    Léta kolonyal fwansé VOLè

    Répondre
    3
    Kanmarad ARY
    Samedi 21 Mai 2011 à 20:03

     Kolonyalis fwansé konprann avè manblo fizi jounalis soutitèl tribinal é bwabwa ayo yo ké dékourajé travayè é pèp gwadloup adan lalit kont pwofitasyon aben nou ka di yo : AWA AWA é AWA !  
    NOU gwadloupéyen nou sé on pèp ki fyè érityé a IGNACE DELGRES MASSOTO SOLITUD NESTOR é tout ansèt annou ki toujou lité kont loprésyon kolonial é èsplwatasyon kapitalis !

    Répondre
    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :