• CARIFTA GAMES : Gwadloup 1é an natasyon é senkyèm an atlétizm

    http://t0.gstatic.com/images?q=tbn:ANd9GcRzCcOrmVECQmpwewyrOUfRjHL-5B2gdaUqkKmQVA1JHonz-a6SGjTR9xEJmAhttp://t2.gstatic.com/images?q=tbn:ANd9GcT8QfJsuzDGe3K4Qs6UdUxMMwzl8H4bq35Q3uY3nZWuNeYvkZiIsA

     

    Jenn an-nou fè péyi a-yo plézi pannan vakans a pak-la padavwa gwadloupéyen pwan on pakèt méday an larèl a-yo piplis an natasyon. Wi adan CARIFTA GAMES natasyon an péyi Bawbad, Gwadloup rivé trapé 55 méday (11 an lò, 25 an awjan é 19 an bwonz). Sa myé ki lanné pasé ola Gwadloup té trapé 47 méday an péyi Jamayik. Gwadloup ka bout ripaj natasyon-la prèmyé nasyon èvè 747 pwen douvan Trinidad é Tobago (679) é Bahamas (599). Najè Gwadloup ka ban nou mo pou péyi Bahamas lanné pwochenn èvè pou misyon kontinyé dominé natasyon adan Karayib-la.

    Adan CARIFTA GAMES atlétizm-la an péyi Jamayik, Gwadloup fè on méyè rézilta ki lanné pasé ola i té pwan enki 3 méday. Gwadloup trapé lanné-lasa 6 méday (3 an lò, 1 an awjan é 2 an bwonz). Gwadloup ka bout senkyèm nasyon lwen dèyè Jamayik ki trapé 66 méday (33 an lò!!). Jamayik sé vrèman on nasyon a atlétizm! Nou pé répété sa!


    Tags Tags : , , , ,
  • Commentaires

    Aucun commentaire pour le moment

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :