• Boris Carène é USC Goyave an lantou Irigwèy!

    http://www.federacionciclistauruguaya.com.uy/images/logo-vuelta2012xx.jpg

     

    http://blob.keldom.com/domactu/photos/400/121301314809143.jpg            http://www.directvelo.com/images/actualite/800x600/17630.jpg

    E wi kanmarad, pa ni enki Matnik, Giyàn oben Fwans pou gwadloupéyen ay kouri bisiklèt. Nou ni osi lantou Irigwèy. Ka fè lontan on ékip Gwadloup pa té ko ay an Amérik di Sid. Pou sa ka suiv bisiklèt, chonjé adan lélanné 80, sélèksyon Gwadloup té kay kouri adan lantou Vénézwèla, oben lantou Tachira ki sé on réjyon a Vénézwèla menm. Dayè an ka chonjé misyé Jean-Pierre Matou té gannyé on étap an lantou Vénézwèla an 1988 an ka kwè.

    La sé pé ké on sélèksyon Gwadloup mé i ké osi fò, sé ké USC Goyave a mòso fè-la, misyé Boris Carène ki maké non a-y adan palmarès a lantou Gwadloup lanné pasé. Wi sé ké kan menm on manman ékip davwa èvè Boris Carène*, nou ké touvé kourè kon Ludovic Turpin* (Fwans), Edwin Sanchez Anzola* (Kolonbi). Yo kay kouri adan lantou Irigwèy, on lantou ki kay komansé lè 30 maws pou'y bout lè 8 avril. On lantou Irigwèy ki kay dè wo nivo pas ou kay jwenn osi twa ékip brézilyen, on ékip mériken, yonn ki sòti Lékwatè é natirèlman on ékip kolonbyen. Onlo adan sé kourè-lasa trapé méday adan dènyé jé panamériken ki té fèt lanné pasé Guadajalara (Mèksik). Alò a pa on ékip an kouyonnad nou ké voyé la!

    (* Yo asi sé foto-la)


    Tags Tags : , , , ,
  • Commentaires

    1
    ARY X
    Dimanche 25 Mars 2012 à 23:14

    An pé ké bay avi an mwen si moun ki ka monté bisiklèt padavwa an pa kè okouran si fòs a siklis, ki tan nou ki ayè. Pa kont an byen enmé sipòté, kont tou Gwadloup lanné pasé la monsò Carène-la pasé men si yo ! an ka suiv...sitou an kontrèlamont, sa bèl frè-la !

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :