larèl fizi é dòt zam ki ka ba lari chenn é ta lavyolans ka sanm men ni pliziè dékatman. lavyolans ki ka bat an péy la sé on biten ki fo nou kalkilé. Davwa sa pa nowmal kè yonn ka tchouyé lòt dapré mwen nou pé di sasé on maladi social, pèp Gwadloup malad é lavyolans sé on senptòm a maladila. kant a fizi kè blan ka tchenbé pou sianka sé on dòt biten!!! ki nou vé ki nou vépa Gwadloup adan on sitiasyon biten la pi fann ki félé é sa pé pété nenpòt ki tan. kèsyon la sé ès sé blan la ki sav kè yo ni lanmen, ki sav kè yo pani lentansyon lévé pié asi pwofitasyon pani rézon dè paré yo pou baré van a nèg kon yo toujou fè? an ja ka vwè zòt ka gadé sa an ka maké avè gwo koko zié a zòt... men sav byen kè an paka di fò fè vyolans men an ka di kè sé konsa kè rèlasyon a nèg é blan toujou maché é kè nou paka konprann kè nou adan on sosyété ki bazé anlè on afrontman a blan é nèg é kè nou pani a étoné dè vwè blan ka paré yo adan kad a afrontman la sa pas yo pani lentansyon lévé pié. kant a mwen an pani solisyon, men ansav kè si on moun ka pran fizi baw, obyen ou ka owganizéw pou kalmé jé la, oben ou ka dézawméi oben ou ka paré zam aw osi, oben ou ka paréw pou mò. sòf si nou simé rété la pafè chalè é pran ti pwofitasyon an nou jantiman....