-
Ban fè-w rantré an koté! *
On siklòn ka chwazi on péyi
endépandan avan i pasé?
Konm an toujou ka di, fò nou toujou jété on zyé aka lèlmi é sé kon sa aprémidi-la, an ka li adan jounal "Fwansmanti", Gwadloup, Matnik é Giyàn pòté soukou ba on péyi endépandan apré on siklòn té pasé asi-y. Kivédi lè ou ka li jounal-lasa, yo ka di an réyalité fò pa nou vin endépandan! Sé pawòl kouyon mésyé, Sentlisi endépandan é poutan i ka wousivwè soukou a dòt péyi! Moun dwèt ka obliyé Igo an 1989! Chonjé dé mwa apré i té pasé watibwazé Gwadloup, pèp-la té ka manjé zowanj ki sòti...Domnik! Domnik, a pa on péyi endépandan? E an pa'a menm palé péyi Etazini ki té wousivwè soukou a onlo péyi asi latè apré siklòn Katrina an 2004!
Ankò on fwa, pawòl kouyon ki maké an jounal-la padavwa on siklòn pa ka chwazi on péyi avan i pasé! Ki péyi-lasa endépandan, ki péyi-lasa anba gyouk, sé watibwazé i ké watibwazé-y!
* Jounalis-lasa ki ka woulé adan "Fwansmanti", zò tout konnèt non a-y! Sé on kalté blan-fwans ka woulé ba Lirèl!
Tags : peyi, endepandan, pase, siklon, lasa
-
Commentaires
Lol... nou pôkô fin tann pawôl initil ni vwè maskarad toultan nou ka viv
Ni moun ka pwan on malen plézi pou rakonté on pakèt dyabésékôn ou té di sa ka fè yo on bèl-santé !
*Dakô... sé lirèl ayo-la kika dikté-w sa pi-y ékri...
Frékanté chyen ou ka trapé pis !!!