• Awa, péyi-la pa tan-nou!

    http://t1.gstatic.com/images?q=tbn:ANd9GcQ5nYLFd4M1QjuAG3YtvrN07sSMHKWEolywX0KAq3C5X2CAYuV3

    On biten kon sa pa ka fè gwadloupéyen réyaji!

     

    Awa, péyi-la pa tan-nou padavwa magré tout kamo moun voyé anlè sa, gwadloupéyen pa ka lévé sa digad! Béké ka mandé léta fwansé an Gwadloup ba yo on déwogasyon pou yo fouté épandaj aéryen asi plantasyon pòyò an péyi-la. Apré sa ki rivé nou èvè klòdékòn-la, nòmalman on zafè kon sa té dwèt fè gwadloupéyen réyaji! Olasa! Pèp-la adan on lòlò! Ès sé manjé-la yo ka ba yo la ka rann yo kon sa? Padavwa an pa ka konpwann! E poutan moun pé ay adan lanbasad dè Fwans an péyi-la (préfèkti é soupréfèkti) Bastè é Lapwent pou yo bay avi a-yo é pou maké yo pa dakò! An pa ka konpwann! An pa ka konpwann padavwa yè an vwè on asosyasyon "Basse-Terre Environnement" ka mobilizé-y kont sa é a pa moun Gwadloup an vwè! Nòmalman nou té dwèt wont vwè sé moun déwò ka défann péyi-la an plas an-nou. Wi, sa fasil chanté "Lagwadloup sé tan-nou! Lagwadloup a pa ta yo! Yo pé ké fè sa yo vlé adan péyi an-nou!". Sa fasil chanté sa mé "Yo pé ké fè sa yo vlé adan péyi an-nou", pèp-lasa pa ka mété-y an pratik. Awa, péyi-lasa pa tan-nou osinon nou té ké défann li.

    Wi kolonyalis fwansé fò menm! Kolonyalis-la fè gwadloupéyen kwè sé enki lè yo ka fouté vòt a-yo adan bwat a lin-la, yo sé moun! Pa kont lè sé pou pòté mannèv pou di béké arété fè maji a kaz an-nou, ou pa ka vwè pon moun!


    Tags Tags : , , , ,
  • Commentaires

    1
    ...ary x...
    Jeudi 31 Mai 2012 à 21:56

    SAN LONÈ NI DINNITE on pèp zonbifyé !
    Ki jan nou pé konpwann tousa gwadloupéyen
    ki déboulé an lari Gwadloup an démilnèf
    pa rivé fè konsyans maché é mémwa vansé ?
    Fò kwè nou gwadloupéyen
    nou enmé koufwèt
    nou enmé vwè mizè


    NOU izé soulyé pannan 44 jou 
    Pou dinnité
    Nou vin konèt ka sa yé pwofitasyon
    ka ki yo ka viv adan sistèm-lasa
    mé lè yo ka palé ban nou
    i ka rantré adan on koté é ka sòti lòt koté-la


    mal-la yo fè nou-la pòkò géri !


    NOU sa sanblé pou ay rimé fès
    sanblé pou bwè é manjé a kokann
    sanblé pou tout kalité dyabésékòn
    pa mandé nou sanblé pou défann on kòz séryé


    nou ké trapé on myé mé ès nou ké géri ?


    Nou patriyòt ka pasé lanné é lanné ka milité
    ba on pèp ki pa lidé wouvè zyé
    ba on pèp ki pa tini anmèd dinnité
    ba on pèp ki yo enpozé on vi
    on pèp ka kontanté-y dè sa i ni
    on pèp ka di-w nou touvé sa konsa
    on pèp ki ja lagé ki ka di-w ka nou pé fè ?
     
    simé lagé konba-la pou sa kon yo vlé ?


    LKP zòt ni kè
    CCN zòt ni kè
    LIGTG zòt ni kè
    RTB zòt ni kè
    ........... zòt ni kè...


    on tèks aw menm mé an pasé pala...


    AN Nou atann vwè, pétèt byen moun-la ké déplasé yo o dènyé moman !

    • Nom / Pseudo :

      E-mail (facultatif) :

      Site Web (facultatif) :

      Commentaire :


    2
    ...ary x...
    Jeudi 31 Mai 2012 à 22:05

    Pèp-la dakò pou pwofitasyon kontinyé
    Pa vin pléré lè vi-la ké vin two chè 
    Pa vin pléré lè lajénès ké rantré pli fon adan délenkans
    Pa vin pléré si manblo a yo ka britalizé ti-moun annou
    Pa vin pléré lè Fwansé ké fouté zòt déwò an péyi-la


    ARETE PLERE ANNOU LITE TONNÈ !
    yo biswen tchoué nou a ti-fé
    yè sé té klòwdékòn
    a lè sé épandaj pa avyon
    dèmen sé ké ki biten ?


     

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :