• An ka konpwann alè!

    http://t0.gstatic.com/images?q=tbn:ANd9GcQ07J_1UMuRmPPpimAW-TcyO9iCw4Vd5dCbwy4aiRmsjqS7WzhNdQ

    Sé pwofitan-la woumèt anwout

    osèryé

    An ka konpwann plis ki janmen, pou ki biten Lafwans fè pèp Ayisyen péyé lendépandans a-y! Chonjé an bout a lanné 1803, jan larmé a Dessalines, Toussaint, Pétion déchouké larmé a Napoléon an péyi Ayiti. On viktwa ki bout èvè lendépandans a Ayiti on jou 1é janvyé 1804! Kay pasé apré? Pou'y pa anvayi Ayiti ankò on fwa Lafwans fè péyi-la péyé-y an milyon é milyon dola an lò pannan pwès 150 lanné! Gadé alè léta a Répiblik Ayiti, on péyi ki poko sòti anba mizè parapòt a konpòtasyon a fwansé!

    An 2009, gwadloupéyen ka lévé gawoulé kont pwofitasyon léta kolonyal fwansé ka mété an péyi an-nou. 44 jou grèv jénéral ki fè béké é léta kolonyal fwansé mal. Apré tout manti-mantè a jounal, télé é radyo ki an sèvis a léta kolonyal fwansé ki fè on pati a pèp an-nou viré LKP do, dé lanné apré léta kolonyal fwansé é sé pwofitan-la bizwen pwan rèvanch a-yo asi pèp-la èvè òkmantasyon a pri a ésans é boutèy gaz-la. On òkmantasyon a ésans kay èvè òkmantasyon a pri a tout kalté marchandiz sitou manjé. Jòd-la, an ay jété on zyé aka déotwa bik entèwnèt é an pé di zòt gwadloupéyen komansé wouklé. Sa an bizwen sav : ès gwadloupéyen ké lévé an mas pou konbat sé kalté lenjistis-lasa? Nou ké la pou nou vwè!

     

    Lagwadloup sé tan-nou! Lagwadloup a pa ta yo! Yo pé ké fè sa yo vlé adan péyi an-nou!


    Tags Tags : , , , ,
  • Commentaires

    1
    NègARY
    Mercredi 2 Février 2011 à 20:41

    Ki yo vlé ki yo pa vlé on jou sa ki an ba fèy ké lévé gawoulé pou mandé jistis a fôs wouklé

    Tinizi é Ejip sé dé bon èkzanp pou pèpGwadloup !

    Nou ja tini on blog Révolisyon...

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :