-
Afwiken pa mèt a kaz a-yo?
Prézidan a Répiblik a Lachin té débaké simenn pasé an péyi Fwans ola i signé kontra èvè lantoupriz fwansé. Mé pli bèl-la mimi-y! Fwansé signé on kontra ola i ka vann Lachin iranyòm. Ah bon? Fò zò savé Lafwans pa ka pwodui iranyòm. Alò ki koté i ka pwan-y? An péyi Nijè! Kivédi fwansé ka vann Lachin on biten ki pa ta yo! Pas jous a jòdi-jou Lènijè sé on péyi endépandan! Sé sa an ka mandé-zòt! Ès péyi-lasa endépandan? Davwa an pé pa konpwann ki jan nèg pé lésé blan fè sa yo vlé an péyi a-yo! E sé pou sa an ka di zòt, sa ka rivé sé péyi afwiken-la, fò pa sa rivé nou osi! Nou dakò pou Gwadloup trapé lendépandans a-y mé nou pa dakò pou on dòt kolonizasyon fèt anba tab!
On karyè iranyòm an péyi Nijè On wòch zò pé vwè ki danjéré
Areva, on lantoupriz fwansé ka koupé é haché an péyi a moun-la.
Prézidan a fwansé èvè bwabwa nijéryen
Tags : peyi, fwans, pou, nou, lachin
-
Commentaires
Tansyon kanmarad, pa jen obliyé zansèt an-nou sòti Lafwik! Sa nou pa vlé la, sé on lendépandans otila fwansé té ké koupé é haché!
3Kanmarad ArYMercredi 10 Novembre 2010 à 19:46kanmarad apa an sans-lasa an di sa plito an sans yo péké waché koupé kon dépi jou yo mété françafwifa pou volé tout richès a zansèt annou jistèman mé tout konpatriyôt sav
YO PE KE FE SA YO VLE ADAN PEYI ANNOU LAGWADLOUP
4Kanmarad ArYMercredi 10 Novembre 2010 à 19:56GWADLOUP PEYI ANNOU
Nou ké lité
Pou gadé idantité annou
Ké goumé
Pou présèvé kilti annou
NOU PA ASIMILE
Nou ké travay latè
Pou manjé sa nou planté
Ké fyè rékolté
Sa nou ka pwodui
MANJE VINI ? AWA !nou pa manjé kochoni
Ajouter un commentaire
Mi pousa mi fè nou rété véyatif
La frangwadloup ? AWA ! gwadloupéyen pa afwiken