• A pa ti-enmé fwansé ka touvé-yo enmé ti-ayisyen!

    http://t0.gstatic.com/images?q=tbn:ANd9GcRsQ-W61goHgOIdzAiWwn52cctlaMZqJVzZ1nB-RERWwWEXQ3ez

    Gadé sé kalté ipokrit-lasa!

     

    Fwansé ka fè gwadloupéyen kouri dèyè ayisyen é an menm balan-la fwansé ka wousivwè ti-ayisyen a kaz a-yo. Ka nou pé konpwann? An vlé byen kwè déotwa fwansé tini bon kè mé fò pa yo fè moun bwè dlo mousach pou lèt! An ka plito kwè sé on kalté pwopagann léta fwansé ka mété on fwa douvan-douvan pou sové limaj a-y. Aprédavwa yo montré jan gouvèlman fwansé ka voyé wòm a kaz  a-yo, i bizwen sové lafas. Alò i ay chèché biten a sé ti-ayisyen-la pou'y sové kapotaj a-y! Mé fò pa pon moun fè mwen kwè fwansé sibitman mété-yo ka enmé nèg kon sa! Sé ti-moun-lasa, ka yo ké sèvi an péyi a blan-la? Ni sa ké sèvi domèstik, èsklav menm! Ni sa ké sèvi biten sèksyèl ba moun! Ni sa ké pétèt menné on vi nòmal mé konmen adan yo? E sitou, an senten ni onlo adan sé ti-moun-lasa ki ni manman-yo é papa-yo toujou! A pa kon sa yo té kenbé on mérikenn ki té kay fè trafik a ti-ayisyen? Ès a pa sa fwansé komansé fè? On trafik a ti-ayisyen! E ki moun ki dwèt dèyè trafik-lasa? On dénonmé Bernard Kouchner, on boug koté i pasé ka fouté kaka aka lézòt!

    Gwadloupyén, pa rantré adan sinéma a léta fwansé!


    Tags Tags : , , , ,
  • Commentaires

    1
    Kanmarad ARY
    Mercredi 22 Décembre 2010 à 20:09

    Ou vwè sa osi kanmarad ? yo enmé ti-ayisyen sé sa !

    misyé ibo simon-la té délégé pou fè travay-lasa ka-w di ?

    fè gwadloupéyen kouri dèyè ayisyen...janmé i palé dè pwofitasyon..

    Fô-w konpwann prézidansyel ka vin an 2012 é nen ayo-la biswen kon yo ka di isidan menm "redorer son blason" alô ka yo pé fè ? pou avèglé pèp fwansé-la ? li ki ja sav moun ka oubliyé vit surtou bétiz i ja fè ! yo sanfouté menmsi yo an kontradiksyon èvè politik a yo on sèl biten ki enpowtan pou yo sé rété opouvwa !

    Pou militan konpatriyôt pé ké pri adan sinéma a léta fwansé !

    Kanta kouchner ayo-la sé épi fanm-ay-la christine okrent an vwè si "Agoravox"(kotidyen a jounalis endépandan) yo tranpé adan on zafè a lajan yo volé ou yo détouné simenn pasé ... an pa konèt plen politik ki pa enmé lévé poul pou pwan zé !!!

    yo tout menm biten-la  ! on bann èskro é an janti ...

    di mwen kanmarad sa nowmal mwen pé pa fè c/c si blog-la ?

     

    2
    SHAKA (Gwakafwika) Profil de SHAKA (Gwakafwika)
    Jeudi 23 Décembre 2010 à 12:47

    c/c ? Ka'w vlé di pa la kanmarad ?

    3
    Kanmarad ARY
    Jeudi 23 Décembre 2010 à 16:50

    Dakô ! Copier/Coller...vwala !

    c/c... ou pa konpwann ? kon di janklôd  Ahahah

    4
    Kanmarad ARY
    Jeudi 23 Décembre 2010 à 16:59

    euhhh c/c an sans kopyé dé mo maké é kolé-y si blog-la

    i ka mandé mwen itilizé rakousi si klavyé an mwen 

    5
    SHAKA (Gwakafwika) Profil de SHAKA (Gwakafwika)
    Jeudi 23 Décembre 2010 à 20:29

    An pa èspésyalis mé nou ké fin pa touvé-y!

    6
    Kanmarad ARY
    Vendredi 24 Décembre 2010 à 00:16

    Pa ni pwoblèm... suit o pwochen niméwo ! 

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :