-
27 Mé : soup a kongo, manjé nasyonal an-nou
Nòmalman chak 27 Mé, gwadloupéten té dwèt fè a kaz a-yo on soup a kongo kon yo ka fè kalalou é matété pak, ziyanm é vyann kochon nwèl.
Mi on mannyè on moun pé fè on soup a kongo a kaz a-y.
Sa pou zò ni :
2 ké a kochon, 250 gram vyan bèf salé, 150 gram fal a kochon fimé, 2 siv, 1 zongnon, 5 santilit luil, 50 gram pwadibwa, 2 kawòt, 1 pwaro, 2 féyaj a chou, 1 tomat, 1 navé, 1 bwanch sèlri, 1 mòso ziyanm, 1 mòso madè, 1 pòyò vèt, 1 krazi ti-pwa vèt, 1 krazi zépina péyi, sèl, pwav, 1 bouké a soup, 3 klou jiwòf, 1 kib a fon a bèf.
Chofé zongnon-la, siv-la, pwaro haché-la adan lui-la. Mété adan yo, sé ké a kochon-la zò koupé an ti-mòso. Zò ké mèt osi fal a kochon fimé-la é vyan bèf salé-la, zò désalé yo avan. Chofé tousa titak. Vidé adan yo, pwadibwa-la, sèlri-la zò koupé piti. Mété dlo adan yo é lésé yo kuit pannan 30 minit èvè on ti-difé.
Apré zò ka mété lanmwatyé a sé légim-la zò koupé an ti-mòso. Zò ka mèt pwav é zò ka miganné yo. Apré zò ka mété rèstan a sé légim-la, zò ka kouvè tousa é zò ka lésé yo kuit 1 nèt'tan èvè on ti-difé.
Lè tout biten-la kay kuit, mété ti-pwa vèt-la, zépina zò blanchi-y la, bouké a soup-la, klou jwòf-la é kib a fon a bèf-la. Kité tousa kuit 15 minit.
Gadé si soup-la byen asézoné é mété on ji sitron. Apré zò pé sèvi sé moun-la on fwa on fwa.
Yo ka konséyé moun-la paré tout légim é salézon-la gwan bonnè é mété yo an frigidè. Kuit sé vyann-la 30 a 40 minit. Fò zò lésé soup a kongo-la kuit lontan èvè on ti-difé.
Filé lang a-zòt!
Tags : met, soup, kuit, kochon, bef
-
Commentaires
2Kanmarad ARYSamedi 4 Juin 2011 à 22:15
Ajouter un commentaire
Hotep Shaka an byen kontan vwè bran niou blog aw. Foss é Kouraj frè-la