-
26, 27, 28 Mé, sigré léta!
Jak Nèstò é Jilda Landre té ka tonbé
anba bal a kolonyalis fwansé.
Léta kolonyal fwansé ka jwé masko a-y lè sé pou'y ay komémoré èvè nèg, labann a Ignas, Dèlgrès, Solitid é Masoto mé i ka obliyé sa'y té fè nèg an mwa Mé 1967. Lanné-lasa i té kyouyé kont a nèg a-y Lapwent. Konmen i kyouyé réyèlman? Sé sa gwadloupéyen ka mandé-y dèpi nanni-nannan. Konm sé on biten fré, léta fwansé jenné kon pa tini é ni jis gwadloupéyen ki pè palé toujou! Alò léta fwansé, konmen nèg ou kyouyé Lapwent? 80? 100? 200? Sigré léta! Nou ké atann 50 lanné pou nou sav konmen gwadloupéyen yo kyouyé Lapwent an 1967?
Tags : leta, fwanse, neg, kyouye, gwadloupeyen
-
Commentaires
SONJE ME 67
Nou ka sonjé Mé swasannsèt
Jou travayè té lévé gawoulé
Pou vin mandé on ogmantasyon
Yo pansé la nèg-la té fen i té woupran travay
Misyé bolotte-la ba manblo lôd masakré travayè
Ki té nwè ou té ka sanm on biten konsa
Alô sé nonm-la té jis vin mandé on môné an plis
Jis a jouné a jôdi jou yo toujou kaché
konben ki tonbé pa woulévé
Adan on foul ki pa té menm awmé
Kolonyalis fwansé ASASEN
Kon a labitid a yo
Kaché pou kalmé
Mé nou okouran
Ka sanblé tout koté
Mobilizé byen détewminé
Pou ayen pa kon yo vlé
On mové paj a listwa a péyi-la
K.A.