Pannan gwadloupéyen ka pèd fil a-yo èvè man Flessel ka pòté drapo fwansé, vwazen annou andidan Karayib-la adan on dòt dimansyon! On dimansyon a péyi ki rèsponsab dè yo!

Gadé sa!

Misyé Usain Bolt pòt-drapo a nasyon Jamayik

Délégasyon a Trinidad é Tobago

Délégasyon a Bawbad

Délégasyon a Bahamas

Délégasyon a Dominik

Délégasyon Ayiti

Délégasyon a Sendomeng

 Délégasyon Sentlisi

 Pou Jé Olenpik-la ka démaré jòd-la, Cedella Marley désidé mété pat a-y asi fabrikasyon a mayo nasyonal a ékip Jamayik. I osi désiné pou délégasyon jamayikenn-la, on swivkòstim* ka fè nou chonjé sa papa Cedella misyé Bob Marley té ka pòté.                 

* swivkòstim : kivédi "survêtement" adan kréyòl ayisyen-la. Si zò konnèt jan yo ka di-y an kréyòl an-nou, voyé-y ban mwen!

An toujou di zòt misyé Lirèl-la sé mako a sé kriminèl béké-la, sé mako a léta kolonyal fwansé! Kon sé politisyen bwabwa-la an Afwik, Lirèl sé osi on fwanmason! Alò sa pa dwèt étoné nou!

Kouté sa kriminèl-la réponn misyé Nilor an vant a bèt-la anlè zafè a épandaj aéryen-la!

 Alò, a pa kriminèl sé mésyé?

Tòti a aljéryen anba larmé fwansé pannan

lagè-la Frantz Fanon ka palé anbout a liv a-y

"Les damnés de la terre"

Fèy a moulikilen

An péyi-la, onlo gwadloupéyen pa sav yo ka dòmi èvè on min lò alantou a-yo. Min lò-lasa sé on pyébwa ki ni onlo richès pou kò a moun. On pyébwa ki ka fè ti-moun byen gwandi é ka fè moun pa trapé maladi grav. Non a-y an fwansé sé "Moringa" mé nou ka kriyé sa an péyi an-nou moulikilen. On pyébwa zendyen chayé èvè yo lè yo débaké an péyi Gwadloup.

Vandrèdi pasé oswè Bastè, vilaj KBM (Ka pou nou bwè é manjé?) fè pèp-la dékouvè moulikilen. On pyébwa a mirak!

Mi sa yo ka di anlè-y!