• http://t1.gstatic.com/images?q=tbn:ANd9GcQkuJSmIgpQeJVOuXM_tscNUAPjnsm8EzRt1InfcvkhK4anL6fp6ghttp://t0.gstatic.com/images?q=tbn:ANd9GcQfo5RAvNYP2nLEPcc_-QJKHmHqosTgpqSyDQYrDGnoN2FjllG2Bw

    On Ka ki lyanné èvè Lafwik

     

    Mèsi Joka asi Zabitan ki byen réponn dé ti-misyé ki té ja pati adan on zafè a "quart" pou palé dè gwoka yè dimanch adan émisyon "Gwan kozé" asi RTB. Fò pa nou tonbé adan kouyonnad a sé blan-la ki pa konnèt anmèd adan mès é labitid an-nou.

    Gwoka ka vini dè KA. I ka vini dè on tanbou ginéyen, non a-y N'GOKA! On KA ki lyanné èvè KA éjipsyen-la ki sé Lèspri.

    An ka kwè, lè moun po'o jen monté asi on tanbou ka kwè yo otorizé di nenpòt ki biten adan on radyo.


    2 commentaires
  • http://static.lexpress.fr/medias/1541/789326_un-homme-brandit-le-drapeau-palestinien-dans-le-nord-de-la-bande-de-gaza-le-5-octobre-2011.jpg    http://www.ism-france.org/photos/unesco%20071011.jpg

    Woulo ba pèp Palèstin! Péyi a-yo adan òganizasyon a UNESCO! 107 péyi voté pou, 14 voté kont, 52 voté abstansyon. Amériken é zanmi izraélyen a-yo, yo anrajé kon kann! Mériken ja di yo péké voyé lajan ankò UNESCO. Mi démokrasi-la!

    Ka rété Palèstin rantré LONI.

    Sa ka montré on pèp pa dwèt jen lagé konba! Gwadloupéyen, zò konpwann?


    7 commentaires
  •  

    http://a10.idata.over-blog.com/500x451/0/43/76/82/PSE/PARICK-ST-ELOI-PORTRAIT-RDG-.jpgPa manké asi "Guadeloupe 1ère" omaj-la Bworlconnection kay rann gwan awtis an-nou PSE ki lésé nou lanné pasé.


    1 commentaire
  • http://upload.wikimedia.org/wikipedia/en/thumb/5/54/Guadalajara_logo_for_the_2011_Pan_American_Games.svg/200px-Guadalajara_logo_for_the_2011_Pan_American_Games.svg.pngDèpi yè dimanch, sézyèm jé panamériken-la bout an vil Guadalajara an péyi Mèksik. On bèl fèt popilè ki té ka sanblé tout èspòtif a kontinan amériken-la. Etazini dominé sé jé-la èvè 236 méday (92 an lò, 79 an awjan é 65 an bwonz). Kiba byen rèprézanté Karayib-la piskè i ka pwan dézyèm plas-la èvè 136 méday (58 an lò, 35 an awjan é 43 an bwonz). Brézil ka monté asi twazyèm mach a podyòm-la èvè 141 méday (48 an lò, 35 an awjan é 58 an bwonz).

    Guadalajara kay pasé rèlè-la ba Toronto (Kanada) ki kay òganizé pwochen jé panamériken-la. Séké an 2015. Nou ka èspéré vwè on délégasyon a atlèt gwadloupéyen Toronto!

    Jé panamériken 2011 Guadalajara (Mèksik)

     1. Etazini..........236 méday ( 92 an lò, 79 an awjan é 65 an bwonz)

    2. Kiba.............136 méday (58 an lò, 35 an awjan é 43 an bwonz)

    3. Brézil...........141 méday (48 an lò, 35 an awjan é 58 an bwonz)

    4. Mèksik..........133 méday (42 an lò, 41 an awjan é 50 an bwonz)

    5. Kanada..........119 (30 an lò, 40 an awjan é 49 an bwonz)

    12. Pòtoriko.......22 méday (6 an lò, 8 an awjan é 8 an bwonz)

    14. Jamayik.......7 méday (1 an lò, 5 an awjan é 1 an bwonz)

    21. Trinidad é Tobago...4 méday (2 an awjan é 2 an bwonz)

    27. Domnik........1 méday an bwonz.

    Ayiti pa trapé pon méday adan sé panamériken-lasa.


    3 commentaires
  • http://t0.gstatic.com/images?q=tbn:ANd9GcTixX0sowyK7m7rVySJ8nCTL3W4UNI0MKdyy5_vEbz-886Dmk_l

    Misyé Andrew Holness

    39 lanné, ka pwan suit

    a Bruce Golding an tèt

    a péyi Jamayik.

     

    Dèpi jou 23 òktòb 2011, péyi Jamayik konnèt on nouvo prèmyé minis. Non a-y Andrew Holness. On jenn jiris a 39 lanné. I ka pwan suit a misyé Bruce Golding ki démisyonné. Misyé Andrew Holness kay menné parti a-y Jamaican Labour Party (JLP) adan élèksyon jénéral-la ki kay fèt an mwa désanm-la.


    votre commentaire



    Suivre le flux RSS des articles
    Suivre le flux RSS des commentaires