-
Lè nou ka palé lendépandans ba moun ki anba gyouk a kolonyalis fwansé kon gwadloupéyen, matiniké oben giyané, yo ka réponn yo pa bizwen vin kon Ayiti. Konsidiré Ayiti té ké sèl péyi endépndan andidan Karayib-la. Nou sav ki jan listwa a Ayiti fèt é poukisa i vini kon sa. Sé moun-la ka ba-w enki mové èkzanp-la mé yo pa ka jen ba-w bon-la ; kivédi Bawbad. 30 novanm 1966 - 30 novanm 2010, kay fè 44 lanné Bawbad ka viv lendépandans a-y é an pé di zòt i ka viv li byen menm!
BAWBAD
Grandè : 430 km2
Konmen moun? : 281 968
Kapital-la : Bridgetown
Lang : Anglé
Lajan : Dola Bawbadyen
Chanté nasyonal : In Plenty and in Time of Need
Léta : Monawchi Parlèmantè
Chèf déta : Rèn Elisabeth II a Langlètè
Gouvènè : Clifford Husbands
Prèmyé minis : Freundel Stuart
Endis a dévòplan a moun (IDH an fwansé) : 37èm asi 182 péyi.
1 commentaire -
Digicel-la asi bik entèwnèt a "Radyo Lévé Doubout Matnik".
Kanmarad, si zò vlé kouté match a koup Digicel a Karayib-la asi nèt-la, lyanné zòt asi bik a "Radyo lévé Doubout Matnik" (www.radiorldm.com/rldm). Alò si zò an vant a bèt-la sé match-la zò ké kouté yo owa senkè é sétè lèmaten.
2 commentaires -
Milatrès Solitid. 29 novanm 1802, èsklavajis é kolonyalis fwansé té ka pann vayan madanm-lasa kon onlo konbatan pou lalibèté an péyi Gwadloup! Èstati a-y, zò pé vwè-y an dézyèm wonpwen "Boulva a sé timal-la" Lakwa Zabim lè zò sòti Lapwent. Sa sé pou gwadloupéyen ki poko débaké an péyi a-yo dèpi lontan!
2 commentaires -
Si zò vlé kouté tout sé match-la, zò ka lyanné asi A.I.S. (105.8 FM). Zò ké adoumanman!
1 commentaire -
Bomaten-la, mèt a mannyòk a LKP pwan bato pou yo ay asi lilèt Marigalant pou on miting yo ké ba douvan pèp-la. Wi LKP fò nou konpwann konba a pèp Gwadloup sé konba a toutmoun ka rété an péyi-la. Moun Bastè, moun Gwanntè, moun Lésent, moun Marigalant é moun Dézirad, tousa ka fè pèp Gwadloup!
1 commentaire
Suivre le flux RSS des articles
Suivre le flux RSS des commentaires