-
Gwadloupéyenn, gwadloupéyen
Gwadloup an danjé
Nou pé pa rété kon sa
Fò nou mèt tout fòs an-nou
Adan on sèl konba pou nou rézisté
Dè jou an jou lènmi ka anvahi nou
Fò nou fè atansyon
Tan ka pasé
Gwadloupéyenn, gwadloupéyen
Nou tout ka doubout
Tout ansanm pou nou pé
Sové péyi-la
E gannyé libèté an-nou
Sové péyi-la
E gannyé libèté an-nou
E gannyé libèté an-nou
Jéra Lokèl (1973)
2 commentaires -
Misyé André Jean-Vidal-la maké adan jounal "Fwansmanti", kominis bizwen lendépandans ba péyi Gwadloup pou fè-y an réyalité rantré adan on dòt kalté dépandans. Kivédi kon péyi Domnik, chinwa é mériken té ké kolonizé Lagwadloup. Ka nou pé konpwann adan sa? Mériken é chinwa ka kolonizé Domnik? Domnik endépandan dèpi 1978 é kon on péyi endépandan, Domnik ka chwazi péyi i bizwen fè konmès èvè-y! Jòdi-la Domnik ka woulé èvè Lachin mé on jou i pé désidé kaskòd èvè Lachin é mété-y èvè Tayiwàn. Nou adan péyi an-nou, nou pé pa kaskòd èvè fwansé davwa nou toujou maré! Fwansé ka fouté pèp Gwadloup on pakèt timtim-bwasèk pou nou rété toujou anba grenn a-yo! Sa fwansé pè la, sé pèd Lagwadloup kivédi yo pè vwè pèp Gwadloup raché lendépandans a-y! Asi latè, pa tini enki zòt, nou pé woulé èvè dòt nasyon é sa sa ka fè zòt chyé!
1 commentaire -
Déboulé Lari Lapwent
Mòso fè-la ka ban-nou mo pou 14 désanm! Alò si sé mésyé
pa ka tann pon lang, komansé prévwa pou bòbòl a-zòt!
1 commentaire -
Péyi Bawbad pèd simenn pasé prèmyé minis a-y, misyé David Thompson, on jou 23 òktòb. On kansè an boyo rivé a bout a-y. I té tini enki 48 lanné! Sé misyé Freundel Stuart ka pwan plas a-y an tèt a péyi-la.
Péyi Jamayik ka pèd li kant a-y on chantè wégé misyé Grégory Isaac. On boug ki té ka chanté lanmou kon PSE. E kon PSE, sé on kansè ki chayé-y lòt koté-la.
Gregory Isaac (1951-2010)
4 commentaires -
Gwoup E : Senkis é Névis - Pòtoriko 1-0
Grènad - Gwadloup 0-3
1 commentaire
Suivre le flux RSS des articles
Suivre le flux RSS des commentaires